ເສື້ອຂາດໜ້າ ຜ້າຂາດຫຼັງ ແລະ ຊິຖິ້ມກໍເສຍດາຍ ຊິບາຍກໍຂີ້ດຽດ

ເສື້ອຂາດໜ້າ ຜ້າຂາດຫຼັງ

ຄຳໂຕງໂຕຍນີ້ ໝາຍເຖິງ ຄົນທີ່ ບໍ່ມີຮອດເຄື່ອງນຸ່ງຖື, ມີເສື້ອ ກໍຫົ່ມແຕ່ເສື້ອຂາດ, ນຸ່ງຜ້າ ກໍນຸ່ງຜ້າຂາດ ເຊິ່ງເປັນຄົນ ທີ່ມີຄວາມທຸກຍາກ ລຳບາກ, ຂາດເຂີນ, ຫາອັນຊິກິນ ກໍບໍ່ມີ.

(ອ່ອນສີ, 2007:72)

ຊິຖິ້ມກໍເສຍເດຍ ຊິບາຍກໍຂີ້ດຽດ

ຄຳໂຕງໂຕຍນີ້ ໝາຍເຖິງ ຜູ້ທີ່ມີລູກຫຼານ ທີ່ເປັນຄົນບໍ່ດີ, ມັກເຮັດຜິດ ຕໍ່ລະບຽບ ກົດໝາຍ ຫຼື ສອນບໍ່ໄດ້ ບອກບໍ່ຟັງຄວາມ, ຄັນຜູ້ເປັນພໍ່ເປັນແມ່ ຊິປ່ອຍຖິ້ມໄປ ກໍຍັງຄິດເຫັນວ່າ ຍັງເປັນລູກ ເປັນຫຼານຕົນເອງຢູ່, ຄັນຖ້າຊິເອົາໄວ້ ກໍພັດເຮັດຜິດ ຄົນອື່ນກໍທັກທ້ວງ. ດັ່ງນັ້ນ ຈິ່ງມີຄວາມລຳບາກໃຈ.

(ສີລາ, 2000:15)