653
-
ລາຊາເງິນຜ່ອນ: ເມື່ອເລີ່ມມີເງິນເດືອນປະຈຳ ບັນດາທະນາຄານຕ່າງໆ ກໍພ້ອມຍິນດີຢືນຂໍ້ສະເໜີ ໃຫ້ມີບັດເຄດິດ ໄວ້ໃຊ້ໃນຍາມສຸກເສີນ ດ້ວຍວົງເງິນທີ່ຫຼາຍກວ່າ ອາດຈະເຮັດໃຫ້ຫຼາຍຄົນ ຕື່ນຕາຕື່ນໃຈ ເພາະເລີ່ມເຫັນທາງທີ່ຈະໄດ້ສິ່ງຂອງ ໄດ້ມາຢ່າງງ່າຍດາຍ ແຕ່ຖ້າໃຊ້ກັບສິ່ງຂອງຊຸມເຟືອຍ ແລະ ຜ່ອນຈ່າຍບໍ່ຖືກກຳນົດໃນທີ່ສຸດ ດອກເບ້ຍຈະເພີ່ມຂຶ້ນ ຈົນກາຍເປັນບັນຫາ;
-
ສັງຄົມອອນລາຍ: ຄົນເຮັດວຽກໃໝ່ຫຼາຍຄົນມັກຕິດພາບ ໃນໂລກສັງຄົມອອນລາຍ ຂອງໝູ່ເພື່ອນ ທີ່ມັກໂພສ໌ແຕ່ເລື່ອງດີໆ, ຫຼູໆ, ຮ້ານອາຫານດັງໆ, ເສື້ອຜ້າງາມໆ ຂອງແບຣນເນມຕ່າງໆ ຈຶ່ງເຮັດໃຫ້ເກີດຄວາມຢາກໄດ້ຢາກມີ, ຈົນຍອມທຸ່ມເງິນເດືອນ ຫຼື ຍອມເປັນລາຊາເງິນຜ່ອນ ເພື່ອໃຫ້ໄດ້ຂອງເຫຼົ່ານັ້ນ ໂດຍບໍ່ຄິດເຖິງວ່າ ມັນເໝາະສົມກັບລາຍໄດ້ ຂອງຕົນເອງ ຫຼື ບໍ່, ເພາະຄົນເຮັດວຽກໃໝ່ ສະໄໝນີ້ ມີທັດສະນະຄະຕິທີ່ວ່າ “ເສຍເງິນບໍ່ວ່າ ແຕ່ເສຍໜ້າບໍ່ໄດ້”;
-
ຊິວິດຫຼູຫຼາ: ຄົນເຮັດວຽກຍຸກໃໝ່ ໃຊ້ຊີວິດຕ່າງຈາກຄົນລຸ້ນກ່ອນ, ດ້ວຍສັງຄົມ, ຄ່ານິຍົມ, ທັດສະນະຄະຕິ ທີ່ປ່ຽນໄປ ເມື່ອຊີວິດເລີ່ມຕົ້ນການເຮັດວຽກ ເລີຍຢາກຈະມີຊັບສິນ ເປັນຂອງຕົນເອງເຊັ່ນ: ເຮືອນ, ລົດໃໝ່… ເພື່ອໂຊຊີວິດສຸດຫຼູ ໂດຍບໍ່ໄດ້ຄິດຫາລາຍໄດ້ ຫຼື ຄວາມໝັ້ນຄົງໃນອາຊີບທີ່ເຮັດຢູ່, ບາງຄົນມີລາຍໄດ້ໜ້ອຍ ແຕ່ຄິດຊື້ ທັງລົດ ແລະ ເຮືອນ ສຸດທ້າຍຄ່າໃຊ້ຈ່າຍເພີ່ມຂຶ້ນ ກາຍເປັນໜີ້ ແລະ ຖືກຍຶດຄືນ;
-
ເຂົ້າສັງຄົມ, ສັງສັນ: ນີ້ກໍຄືອີກໜຶ່ງບ່ວງອັດຕະລາຍ ກັບຄົນເຮັດວຽກໃໝ່ ເພາະໃນສັງຄົມຫ້ອງການ ມັກມີການສ້າງສັນ, ທ່ອງທ່ຽວນໍາກັນສະເໜີ ຈົນມີບາງຄົນເສບຈົນຕິດ, ຈັດໜັກທຸກທ້າຍອາທິດ ແລະ ຖ້າຫາກເປັນຄົນປະຕິເສດຄົນ ບໍ່ເປັນແລ້ວ ຍິ່ງຕ້ອງລະວັງດ້ານການເງິນໃຫ້ດີ;
-
ຕິດການພະນັນ: ພຶດຕິກໍານີ້ອາດຕິດຕົວ ມາຕັ້ງແຕ່ສະໄໝຮຽນ ແຕ່ບາງຄົນກໍມາເສຍຄົນ ຕອນເຮັດວຽກກໍມີ ບໍ່ໜ້ອຍ ໂດຍສະເພາະຜູ້ຊາຍ ໂດຍພື້ນຖານ ມັກການແຂ່ງຂັນ, ທ້າທາຍ, ມັກມ່ວນ ຍິ່ງເຮັດວຽກມີລາຍໄດ້ ກໍເກີດຢາກຮູ້ຢາກລອງ ຕາມສັງຄົມກຸ່ມໝູ່ເພື່ອນ, ຕອນທຳອິດ ອາດຈະຄິດວ່າ ລອງຫຼິ້ນໆ ເພື່ອຄວາມມ່ວນ ແຕ່ດົນໄປ ກັບເສບຕິດການພະນັນໂດຍບໍ່ຮູ້ຕົວ.