ເງິນຫົວຂວັນເຈົ້າ ເຂົ້າຫົວຂວັນໝາ

ເງິນ ຄົນທີ່ໃຊ້ຈ່າຍຟຸ້ມເຟືອຍ ໃຊ້ຈ່າຍເງິນບໍ່ມີປະໂຫຍດ, ມີເງິນໜ້ອຍໜຶ່ງແພງໄວ້ກໍບໍ່ຮັ່ງ ຍ້ອນຫາມາໄດ້ເທົ່າໃດ ກໍໃຊ້ໝົດ ເຊິ່ງອາການເຊັ່ນນີ້ ເປັນການປະໝາດຄຸນຄ່າ ຂອງເງິນຄຳວັດຖຸສິ່ງຂອງທີ່ຫາມາໄດ້ ຫຼື ສິ່ງຂອງທີ່ຄົນອື່ນໃຫ້ ຜົນໄດ້ຮັບກໍຄືຖືກດູຖືກ, ຖືກຄົນອື່ນຫົວຂວັນ ຍ້ອນຄວາມບໍ່ຮູ້ໃຊ້ເງິນ ໃຫ້ເປັນປະໂຫຍດແກ່ຕົນເອງ ກົງກັນຂ້າມກັບຜູ້ທີ່ມີເງິນໜ້ອຍ ແຕ່ຮູ້ຮິບໂຮມ, ຮູ້ໃຊ້ຈ່າຍໃນສິ່ງທີ່ເປັນປະໂຫຍດ ເງິນຄຳຫາໄດ້ກໍຫຼາຍຂຶ້ນ ຄົນອື່ນກໍຍ້ອງຍໍ. ສ່ວນເຂົ້າຫົວຂວັນໝາ ເວົ້າເຖິງໝາເຫັນເຂົ້າຫຼາຍກໍກິນອີ່ມຫຼາຍ ເຫັນເຂົ້າທີ່ຍັງເຫຼືອກໍກິນບໍ່ລົງ ເພາະໝາກິນໄດ້ແຕ່ສຳອີ່ມ ປຽບໃສ່ຄົນທີ່ລືມບຸນຄຸນ ຕໍ່ຜູ້ທີ່ມີຄຸນຕໍ່ຕົນເອງ.

(ສີລາ, 2000:15)