ຊອກຫາມາຝາກ ເກືອປົນນໍ້າອຸ່ນ ໃຊ້ທໍາຄວາມສະອາດພື້ນເຮືອນໄດ້ດີ ໂດຍ ຄໍາສັບລາວ 15/10/2021 775 ໄລຍະນີ້ກຳລັງເລີ່ມກ້າວເຂົ້າສູ່ ລະດູຝົນກັນແລ້ວ ຄວາມຊຸ່ມຂອງອາກາດ ກໍເພີ່ມເຂົ້າມາ, ການຕາກເຄື່ອງກໍເຮັດໃຫ້ແຫ້ງຊ້າ, ເວລາຖູພື້ນເຮືອນ ກໍຍັງແຫ້ງຊ້ານໍາອີກ ໃຜທີ່ລໍາຄານບັນຫາ ພື້ນແຫ້ງຊ້າ ຫຼັງຈາກທີ່ຖູແລ້ວ, ຄຳສັບລາວ ມີເຄັດບໍ່ລັບດີໆ ໃນການຖູພື້ນເຮືອນ ໃຫ້ແຫ້ງໄວມາຝາກ ພໍ່ເຮືອນ, ແມ່ເຮືອນ ພຽງແຕ່ເຮັດໃຫ້ ຖືກວິທີ ຮັບຮອງວ່າ ພື້ນເຮືອນຂອງທ່ານ ຈະແຫ້ງໄວຢ່າງທັນໃຈ ໄດ້ດ້ວຍ ເກືອ ແລະ ນໍ້າອຸ່ນ. ວິທີປະສົມແມ່ນ ເລີ່ມຈາກການນໍາເອົາ ນໍ້າໄປຕົ້ມໃຫ້ໄດ້ອຸນຫະພູມ ປະມານ 40 ອົງສາ (ນໍ້າອຸ່ນພໍດີເອົາມືຈຸ່ມລົງໄດ້) ຫຼັງຈາກນັ້ນ ກໍເອົາ ເກືອ ປະສົມລົງໄປ ປະມານ 1 ບ່ວງແກງ ຄົນໃຫ້ເກືອລະລາຍ ພຽງເທົ່ານີ້ ກໍຮຽບຮ້ອຍ ສາມາດໃຊ້ຖູພື້ນເຮືອນ ຂອງທ່ານໃຫ້ສະອາດ, ແຫ້ງໄວ ແລະ ບໍ່ປຽກອີກຕໍ່ໄປ. ຫຼາຍຄົນຄົງຈະແປກໃຈວ່າເປັນຫຍັງ ນໍ້າອຸ່ນປະສົມເກືອ ຖູພື້ນເຮືອນ ຈຶ່ງໄດ້ຜົນດີແບບນີ້? ຍ້ອນວ່າ ອຸນຫະພູມຂອງນໍ້າອຸ່ນ ຈະເຮັດໃຫ້ທາດແຫຼວ ລະເຫີຍໄດ້ໄວ້ຂຶ້ນ ແນ່ນອນວ່າ ການໃຊ້ນໍ້າອຸ່ນ ຖູພື້ນເຮັດໃຫ້ພື້ນແຫ້ງໄວ ເປັນທໍາມະຊາດ ແຕ່ການໃສ່ເກືອປະສົມນໍາ ຈະເຮັດໃຫ້ໄດ້ຮັບຜົນດີ ຫຼາຍຂຶ້ນກວ່າເກົ່າ ຍ້ອນເກືອມີທາດ ແມັກນີຊຽມຄໍໄລ ແລະ ແຄວຊຽມຄໍໄລ ສາມາດດູດເອົາຄວາມຊຸ່ມ ຈາກອາກາດໄດ້. ຂໍພຽງທ່ານມີເກືອ ແລະ ນໍ້າອຸ່ນ ກໍຊ່ວຍເຮັດໃຫ້ ເຮືອນຂອງທ່ານສະອາດ ເປັນຕາຢູ່ ທັງດູດຄວາມຊຸ່ມ ໃຫ້ພື້ນແຫ້ງໄວ ເມື່ອຮູ້ແບບນີ້ແລ້ວ ກໍຄວນລອງນໍາວິທີນີ້ ໄປໃຊ້ເບິ່ງເນາະ! ໂດຍ: ພອຍໄພລິນ ຄວາມສະອາດ 0 FacebookTwitterWhatsappLINEEmail ຂ່າວສານທີ່ກ່ຽວຂ້ອງ ມາລະຍາດໃນສັງຄົມ 01/08/2024 ທ່ານເຊື່ອບໍ່ວ່າ ມະນຸດເຮົາ ສາມາດປ່ຽນເພດ ຂອງຕົວອ່ອນໄກ່ໄດ້ ດ້ວຍ ໄອຊີທີ 26/07/2023 ມາຮູ້ຈັກກັບໂປຣຕິນຈາກ ແມງວັນ ເຊິ່ງອາດຈະເປັນ ອາຫານຂອງມະນຸດ ໃນອະນາຄົດ 07/07/2023 ການເບິ່ງແຍງລູກຊາຍດ້ວຍຄວາມເຂົ້າໃຈ 23/06/2023 4 ເທັກນິກໃນການບໍລິຫານເວລາແບບມີປະສິດທິພາບ 31/03/2023 ການບໍລິຫານການເງິນໃນຍຸກເສດຖະກິດຫຍຸ້ງຍາກ 08/02/2023 5 ແບບທີ່ຄວນຫຼີກໃນການໃຊ້ເງິນຢ່າງຄຸ້ມຄ່າ 23/01/2023 ການລ້ຽງລູກດ້ານບວກເໝາະສົມກັບພໍ່ແມ່ຍຸກໃໝ່ 17/01/2023 ການຝຶກໃຫ້ລູກຄົ້ນພົບຕົນເອງ ແລະ ມີເປົ້າໝາຍຂອງຊີວິດ 19/12/2022 ປະຫວັດບຸນເຂົ້າພັນສາ 11/07/2022
