602
ວິທີບໍລິຫານເງິນ ແບບງ່າຍໆ ທາງດ້ານການເງິນ ທີ່ດີຢູ່ບໍ່ໄກ ເຮັດໄດ້ງ່າຍກວ່າ ທີ່ຄິດ ນອກຈາກ ການເກັບສະສົມເງິນແລ້ວ ອີກສິ່ງໜຶ່ງທີ່ສຳຄັນ ໃນການສ້າງຖານະ ທີ່ໝັ້ນຄົງ ກໍຄື ການບໍລິຫານເງິນ ທີ່ມີປະສິດທິພາບ ນັ້ນເອງ. ຄຳສັບລາວ ກໍເລີຍຍົກເອົາ ວິທີການບໍລິຫານເງິນ ແບບງ່າຍໆ ທີ່ທຸກຄົນ ສາມາດເຮັດໄດ້ ໂດຍແບ່ງລາຍຮັບທັງໝົດຂອງເດືອນ ອອກເປັນ 6 ສ່ວນຄື:
-
ເງິນສຳລັບໃຊ້ຈ່າຍ ທີ່ຈຳເປັນ ໃນຊີວິດປະຈຳວັນ ( Necessity Account ) : 55% ຂອງລາຍໄດ້ທັງໝົດ
ເງິນໃນສ່ວນນີ້ ເປັນເງິນ ທີ່ຖືກແບ່ງໄວ້ ເພື່ອໃຊ້ຈ່າຍ ໃນຊີວິດປະຈຳວັນ ບໍ່ວ່າຈະເປັນ ຄ່າອາຫານ, ຄ່າເດີນທາງ, ຄ່າສິນຄ້າ ອຸປະໂພກ ບໍລິໂພກ ຫຼື ລາຍຈ່າຍ ທີ່ຕ້ອງຈ່າຍ ທຸກເດືອນ ເຊັ່ນ: ຄ່ານ້ຳ, ຄ່າໄຟ, ຄ່ານ້ຳມັນລົດ ແລະ ໜີ້ສິນຕ່າງໆ.
-
ເງິນສຳລັບ ໃຊ້ຈ່າຍສ່ວນຕົວ ຕາມໃຈມັກ ( Play Account ): 10% ຂອງລາຍໄດ້ທັງໝົດ
10% ຂອງລາຍໄດ້ ທັງໝົດ ໃນສ່ວນນີ້ ຈະເປັນເງິນ ທີ່ນຳໄປຈ່າຍສ່ວນຕົວ ຕາມໃຈມັກ ຖືວ່າ ເປັນລາງວັນ ສຳລັບຄວາມອິດເມື່ອຍ ໃນການເຮັດວຽກ ຂອງແຕ່ລະເດືອນ ເປັນເງິນ ທີ່ເຮົາສາມາດໃຊ້ ໄດ້ຢ່າງອິດສະລະ ໂດຍບໍ່ຕ້ອງ ຫວງໜ້າຫວງຫຼັງ.
-
ເງິນສຳລັບການລົງທຶນ ( Financial Freedom Account ) : 10% ຂອງລາຍໄດ້ທັງໝົດ
ນອກຈາກ ການເກັບສະສົມເງິນແລ້ວ ການລົງທຶນ ກໍເປັນເລື່ອງສຳຄັນ ດັ່ງນັ້ນ ການແບ່ງເງິນ ເພື່ອໃຊ້ໃນການລົງທຶນ ຈຶ່ງເປັນເລື່ອງ ທີ່ຂາດບໍ່ໄດ້ ໂດຍການລົງທຶນນີ້ ບໍ່ຈຳເປັນຕ້ອງຢູ່ ໃນຮູບແບບ ຂອງກອງທຶນ ແຕ່ຍັງສາມາດ ໃຊ້ໄປໃນການ ເຮັດປະກັນ ແບບເງິນຝາກປະຢັດ ທີ່ມີດອກເບ້ຍສູງ.
-
ເງິນສຳລັບການສຶກສາ ( Education Account ) : 10% ຂອງລາຍໄດ້ທັງໝົດ
ສໍາລັບການຮຽນຮູ້ ແມ່ນບໍ່ມີຄຳວ່າ ສາຍເກີນໄປ ດັ່ງນັ້ນ ເງິນສ່ວນນີ້ ຈິ່ງກາຍເປັນເງິນ ເພື່ອການສຶກສາ ຫາຄວາມຮູ້ເພິ່ມເຕີມ ບໍ່ຈຳເປັນຕ້ອງ ຈຳກັດຢູ່ທີ່ ການສະໝັກຮຽນ ເທົ່ານັ້ນ ແຕ່ຍັງລວມເຖິງ ການຊື້ໜັງສື, ການເຝິກອົບຮົມ ສຳມະນາ.
-
ສຳລັບເງິນເກັບສະສົມ ໄລຍະຍາວ ເພື່ອຄ່າໃຊ້ຈ່າຍ ( Long-term saving for spending Account ) : 10% ຂອງລາຍໄດ້ທັງໝົດ
ສໍາລັບຄ່າໃຊ້ຈ່າຍບາງຢ່າງ ທີ່ອາດຈະມີກຳນົດ ລາຍຈ່າຍ ຫ່າງກັນ ຕົວຢ່າງ: ເບ້ຍປະກັນຊີວິດ, ຈ່າຍຄ່າພາສີລົດ ຫຼື ການເກັບເງິນໄວ້ ເພື່ອສິ່ງທີ່ຕັ້ງໃຈວ່າ ຈະເຮັດໃນອະຄົດ ເຊັ່ນ: ການແຕ່ງງານ, ການຊື້ເຮືອນ, ການແບ່ງເງິນໃນສ່ວນນີ້ ແມ່ນຈະຊ່ວຍໃຫ້ ເຮົາສາມາດ ເກັບເງິນ ໄດ້ຢ່າງສະໝໍ່າສະເໝີ.
-
ເງິນສຳລັບການໃຫ້ ຫຼື ບໍລິຈາກ ( Give Account ) : 5% ຂອງລາຍໄດ້ທັງໝົດ