607
ສຸຂະພາບ ໃນເວລາ ເຮັດວຽກ ເປັນສາເຫດ ເຮັດໃຫ້ຄົນເຮົາ ເກີດຄວາມຕຶງຄຽດໄດ້ ເມື່ອມີຄວາມຄຽດ ແຕ່ລະຄົນຈະ ມີປະຕິກິລິຍາ ແຕກຕ່າງກັນ ບາງຄົນອາດ ຈະເຈັບຫົວ, ຫງຸດຫງິດ, ອາລົມບໍ່ດີ ເຊິ່ງອາການເຫຼົ່ານີ້ ລ້ວນແລ້ວແຕ່ເປັນ ສັນຍານເຕືອນ ໃຫ້ທ່ານຕ້ອງ ຜ່ອນຄາຍດ່ວນ ເຊິ່ງ ຄຳສັບລາວ ຂໍແນະນຳ ວິທີຜ່ອນຄາຍ ຄວາມຕຶງຄຽດ ແບບງ່າຍໆ ມາຝາກທ່ານຜູ້ອ່ານ ດັ່ງລຸ່ມນີ້:
-
ບໍ່ຄວນດື່ມກາເຟຫຼາຍກວ່າ 1 ຈອກ : ການດື່ມກາເຟມື້ລະ 1 ຈອກ ແມ່ນດີ ຕໍ່ສຸຂະພາບ ແຕ່ຖ້າດື່ມເກີນ 2 ຈອກ ຄາເຟອິນ ຈະເຮັດໃຫ້ ຫົວໃຈ ເຕັ້ນໄວຂຶ້ນ 16 ຄັ້ງ ຕໍ່ນາທີ ເຮັດໃຫ້ຫົວໃຈ ສັ່ນ ແລະ ມີຄວາມກັງວົນ ເພີ່ມຂຶ້ນ.
-
ຊອກບ່ອນທີ່ສະຫງົບຢູ່-ຟັງເພງຄ່ອຍໆ ໂດຍສະເພາະ ເພງທີ່ມີທຳນອງ ຟັງສະບາຍໆ ທັງສຽງດົນຕີ ແລະ ສຽງທຳມະຊາດ ເຊັ່ນ: ສຽງຄື້ນນ້ຳ, ສຽງນ້ຳຕົກ ແລະ ນົກຮ້ອງ ຈະຊ່ວຍໃຫ້ມີ ສະມາທິ ເຂົ້າສູ່ສະໝອງ ແລະ ຈິດໃຈ ໄດ້ຢ່າງແບບອັດສະຈັນ.
-
ຫຼັບຕາໃຫ້ຜ່ອນຄາຍ ການຜ່ອນຄາຍ ຄວາມຕຶງຄຽດ ຄື ການເຝິກຈິດງ່າຍໆ ຄັ້ງລະ 10-15 ນາທີ ຕອນເຊົ້າ ແລະ ແລງ ດ້ວຍການນັ່ງ ທ່າສະບາຍໆ ຢູ່ໂຕະເຮັດວຽກ ຂອງທ່ານ ເພື່ອເປັນການ ພັກສາຍຕາຈາກໜ້າຈໍ ຄອມພິວເຕີ.
-
ປ່ຽນພຶດຕິກຳເຊັ່ນ: ການຍ້າຍບ່ອນນັ່ງ ຫຼື ລຸກຂຶ້ນ ຍ່າງໄປຍ່າງມາ ເບິ່ງຫັ້ນເບິ່ງນີ້ ປ່ຽນຄວາມສົນໃຈ ໄປເລື່ອງໃໝ່ ເຮັດໃຫ້ລືມ ຄວາມຕຶງຄຽດ ໄປຊົ່ວຄາວ ກ່ອນກັບມາ ເຮັດວຽກອີກຄັ້ງໜຶ່ງ ດ້ວຍຄວາມຄິດ ແລະ ມູມມອງໃໝ່.
-
ດົມກິ່ນທີ່ຫອມໆໃຫ້ສົດຊື່ນ: ກິ່ນຫອມ ຂອງດອກໄມ້ ນານາຊະນິດ ຈະຊ່ວຍປຸກ ປະສາດສຳຜັດ ໃຫ້ສົດຊື່ນ ຕື່ນຕົວ ແລະ ຍັງກະຕຸ້ນໃຫ້ ຈິດໃຈໄດ້ ມີພະລັງງານ ເປັນຢ່າງດີ ເວລາຄຽດໆ ລອງດົມກິ່ນ ດອກໄມ້ ເຊັ່ນ: ດອກກຸຫລາບ, ດອກມະລິ ເຫຼົ່ານີ້ເປັນຕົ້ນ.