ປານບັກລາອີ່ມເຂົ້າຫຼາມ

ຄຳໂຕງໂຕຍນີ້ ມີຄວາມໝາຍເຖິງ ຜູ້ທີ່ເຫັນແກ່ ຄວາມກິນເປັນໃຫຍ່ ໂດຍບໍ່ເບິ່ງ ຄວາມເໝາະສົມ ຂອງທ້ອງຕົນເອງ ວ່າຮັບໄດ້ຫຼາຍປານໃດ. ເພາະສະນັ້ນ, ເມື່ອກິນລົງໄປຫຼາຍ ຈິ່ງບໍ່ໄດ້ຮັບ ຜົນປະໂຫຍດຫຍັງ ສຸດທ້າຍ ອາຫານ ກໍອອກມາໝົດຄືເກົ່າ. ປຽບຄືກັນກັບຄົນ ທີ່ເຫັນແກ່ໄດ້ ໂດຍບໍ່ຄິດເຫັນຄົນອື່ນ. ສຸດທ້າຍ ກໍຖືກຕ້ານຄືນ ຈິ່ງເຮັດໃຫ້ ມີຄວາມເບື່ອໜ່າຍ. ດັ່ງກັບເລື່ອງເລົ່າ ທີ່ວ່າ: ໃນເມື່ອກ່ອນ ທ້າວລາ ກິນເຂົ້າຫຼາມ ເກີນຂີດບັນຫາຄັບທ້ອງ ຢູ່ບໍ່ໄດ້ນອນບໍ່ເປັນ, ຮາກໄລທ້ອງໄລໄສ້. ດັ່ງນັ້ນ, ເມື່ອເຫັນ ບັ້ງເຂົ້າຫຼາມລ້າໆ ກໍຍັງເບື່ອ ຫຼື ເຫັນກອກຢາ ທີ່ເຂົາຖິ້ມຢູ່ ກາງທາງ ກໍຍັງຄິດວ່າ ແມ່ນເຂົ້າຫຼາມ ຈຶ່ງຮາກອອກມາ.

(ຫຸມພັນ, 2007:34)