ຍ່າງນຳຫຼັງຜູ້ເຖົ້າໝາບໍ່ກັດ

ຜູ້ເຖົ້າ ແມ່ນຜູ້ມີປະສົບການ ໃນການດຳລົງຊີວິດ ເຊິ່ງຜ່ານຮ້ອນ ຜ່ານໜາວມາຫຼາຍແລ້ວ, ຮູ້ຈັກການກະທຳ ທີ່ຖືກຕ້ອງ ແລະ ເໝາະສົມ, ຮູ້ຈັກເອົາຕົວອອກ ຈາກໄພອັນຕະລາຍ, ເວລາລູກຫຼານໄປນຳ ກໍຈະໄດ້ຮັບ ຄວາມເບິ່ງແຍງ ແລະ ຄຸ້ມຄອງເປັນຢ່າງດີ, ເຮັດໃຫ້ບໍ່ມີ ອັນຕະລາຍໃດໆ ມາທຳລາຍໄດ້ ຄື ເວລາທີ່ຍ່າງ ນຳກົ້ນຜູ້ໃຫຍ່ ໝາຈະບໍ່ກ້າກັດ.

ຄຳໂຕງໂຕຍນີ້, ປຽບທຽບກັບຄົນ ທີ່ມີຄວາມຮູ້ ຄວາມສາມາດ, ມີປະສົບການ ໃນການດຳລົງຊີວິດ, ຖ້າລູກຫຼານ ຫາກເຮັດຕາມ ພໍ່ແມ່, ປູ່ຍ່າຕາຍາຍ ແລະ ຜູ້ທີ່ມີ ປະສົບການ ກໍຈະເຮັດໃຫ້ເຂົາ ດຳລົງຊີວິດ ຢ່າງມີຄວາມສຸກ ຄວາມຈະເລີນ.

(ສີລາ, 2000:1)