ສຸຂະພາບ ເຊວຕົ້ນກຳເນີດ Stem cell ໂດຍ ຄໍາສັບລາວ 01/09/2021 704 ກະແສຄວາມດັງ ລະດັບໂລກ ຂອງງານວິໄຈ ສະເຕັມເຊວ (Stem cell) ຫຼື ເຊວຕົ້ນກຳເນີດ ໃນຫຼອດເລືອດ ເຊິ່ງມີຄວາມກ້າວໜ້າ ຢ່າງວ່ອງໄວໃນ 10 ປີທີ່ຜ່ານມາ. ບໍ່ວ່າຈະຜ່ານ ສື່ສັງຄົມອອນໄລ, ໂທລະສັບ ສື່ສິ່ງພີມຕ່າງໆ ມັກມີການບັນຍາຍ ເຖິງປະໂຫຍດ ຫຼື ຄວາມເປັນໄປໄດ້ ໃນການນຳໃຊ້ ເຊວຕົ້ນກຳເນີດ ໃນການປິ່ນປົວ ພະຍາດ, ການສະລໍໄວ ຫຼື ການນຳໄປໃຊ້ ໃນເລື່ອງຄວາມສວຍ ຄວາມງາມ ແລະ ມີການອ້າງເຖິງ ຄຸນປະໂຫຍດ ທີ່ຫຼາກຫຼາຍ ຂະໜາດວ່າ ໂຮງໝໍເອກກະຊົນ ຫຼາຍແຫ່ງ ໄດ້ສະເໜີ ໂປຼແກຼມຮັກສາ ເຊວຕົ້ນກຳເນີດ ຈາກສາຍສະບື ເດັກນ້ອຍເກີດໃໝ່ ເພື່ອນຳໄປປິ່ນປົວ ພະຍາດ ທີ່ອາດເກີດຂຶ້ນ ໃນອະນາຄົດ ເຊິ່ງມີຄ່າໃຊ້ຈ່າຍ ໃນການເກັບຮັກສາ ຫຼາຍທີ່ສຸດ ຂໍ້ມູນຕໍ່ໄປນີ້ ຈະຊ່ວຍໃຫ້ທ່ານ ຕັດສິນໃຈ ໄດ້ຮອບຄອບ ຫຼາຍຍິ່ງຂຶ້ນ ກ່ຽວກັບ ສະເຕັມເຊວ ( Stem cell “Catechin” ). ສະເຕັມເຊວ ຄື ເຊວຊະນິດ ພິເສດ ພົບເຫັນໄດ້ ທຸກຊ່ວງເວລາ ຂອງການຈະເລີນ ເຕີບໃຫຍ່ ຂະຫຍາຍຕົວ ໃນສິ່ງມີຊີວິດ ທີ່ແບ່ງໄດ້ ແບບບໍ່ຈຳກັດ ແລະ ສາມາດປ່ຽນແປງ ໄປເປັນເຊວ ໄດ້ເກືອບ ທຸກຊະນິດ ເພື່ອວັດແທນເຊວ ທີ່ເສຍສະພາບ ໃນຮ່າງກາຍ ເຊັ່ນ: ເຊວຜິວໜັງ, ເຊວສະໝອງ, ເຊວຫົວໃຈ, ກ້າມຊີ້ນ ແລະ ເຊວເມັດເລືອດ ມີໜ້າທີ່ສຳຄັນ ໃນການແບ່ງຕົວ ເພີ່ມຈຳນວນ ແລະ ປ່ຽນແປງ ໄປເປັນເຊວ ຊະນິດຕ່າງໆ. ເຊວຕົ້ນກຳເນີດ ແບ່ງເປັນ 2 ປະເພດໃຫຍ່ຄື: ເຊວຕົ້ນກຳເນີດ ທີ່ແຍກໄດ້ຈາກ ຕົວອ່ອນ ແລະ ເຊວຕົ້ນກຳເນີດ ທີ່ແຍກໄດ້ຈາກ ສິ່ງມີຊີວິດ ໃຫຍ່ເຕັມໂຕ ຫຼື ຈາກເນື້ອເຍື່ອ ເຊິ່ງຄຸນສົມບັດ ຂອງເຊວທັງ 2 ຊະນິດນີ້ ມີຄວາມແຕກຕ່າງກັນ. ເຊວຕົ້ນກຳເນີດ ຈາກຕົວອ່ອນ ສາມາດປ່ຽນແປງໄປ ເປັນເຊວ ໄດ້ເກືອບທຸກຊະນິດ ໃນຮ່າງກາຍ ຍົກເວັ້ນເຊວຈາກ ຕົ້ນກຳເນີດ ຈາກຕົວເຕັມໄວ ສາມາດປ່ຽນແປງໄປ ເປັນເຊວສະເພາະ ໃນເນື້ອເຍື່ອນັ້ນໆ ເຊັ່ນ: ສະເຕັມເຊວຂອງເລືອດ ສາມາດປ່ຽນແປງ ເມັດສີເລືອດແດງ ເມັດເລືອດຂາວ ແລະ ເກັດເລືອດ. ພະຍາດ ທີ່ທາງແພດ ຍອມຮັບວ່າ ສາມາດນຳໃຊ້ ເຊວຕົ້ນກຳເນີດ ປິ່ວປົວໄດ້ມີ: ພະຍາດ ທີ່ເກີດຈາກ ຄວາມຜິດປົກກະຕິ ໃນລະບົບເລືອດ ເທົ່ານັ້ນ ເຊັ່ນ: ພະຍາດມະເຮັງ ເມັດເລືອດຂາວ ຫຼື ລູຄີເມຍ, ພະຍາດເລືອດຈາງ ຫຼື ທັດຊີເມຍ ເຊິ່ງປິ່ນປົວດ້ວຍ ວິທີການປູກຖ່າຍ ເຊວຕົ້ນກຳເນີດ ຈາກໄຂ ສ່ວນພະຍາດອື່ນ ທີ່ມີການອ້າງວ່າ ປິ່ນປົວ ດ້ວຍເຊວຕົ້ນກຳເນີດ ໄດ້ຍັງຢູ່ໃນ ຂະບວນການ ສຶກສາວິໄຈ ທາງຄຼີນິກ ເຊິ່ງອາດຈະໄດ້ຮັບ ຜົນດີໃນການປິ່ນປົວ ໃນອະນາຄົດ ແຕ່ຍັງບໍ່ຖືກບັນຈຸ ຢູ່ໃນການປິ່ນປົວ ແບບມາດຖານ. ຕອນນີ້ ຍັງບໍ່ມີຂໍ້ບົງບອກໃຊ້ ໃນການເອົາ ເຊວຕົ້ນກຳເນີດ ຂອງຕົນເອງ ທີ່ເກັບແຊ່ແຂງໄວ້ ມາໃຊ້ ເພື່ອປິ່ນປົວຕົນເອງ ແລະ ບໍ່ມີການຮອງຮັບວ່າ ປິ່ນປົວພະຍາດໄດ້ແທ້ ພະຍາດ ທີ່ປິ່ນປົວໄດ້ ຄື: ພະຍາດທີ່ເກີດຈາກ ຄວາມຜິດປົກກະຕິ ຂອງເຊື້ອສາຍ ໃນລະບົບເລືອດ ເຊິ່ງສ່ວນຫຼາຍ ຕ້ອງອາໄສ ແຫຼ່ງເຊວຕົ້ນກຳເນີດ ຈາກຜູ້ບໍລິຈາກຄົນອື່ນ ເນື່ອງຈາກວ່າ ເຊວຕົ້ນກຳເນີດ ຂອງຜູ້ເຈັບຍ່ອມມີ ຄວາມຜິດປົກກະຕິ ທາງເຊື້ອສາຍ ດັ່ງກ່າວຢູ່ ບໍ່ສາມາດນຳ ມາປິ່ນປົວໄດ້ ສ່ວນການແກ້ໄຂ ຄວາມຜິດປົກກະຕິ ໃນລະດັບເຊື້ອສາຍ ຫຼື ການປິ່ນປົວ ດ້ວຍຍິນບຳບັດ ອາດຈະສາມາດ ໃຊ້ປະໂຫຍດຈາກ ການເກັບຮັກສາ ເຊວຕົ້ນກຳເນີດ ຂອງຕົນເອງ ແຕ່ຢ່າງໃດກໍຕາມ ເຮົາສາມາດເກັບຮັກສາ ເຊວຈາກຜູ້ປ່ວຍ ໃນຊ່ວງເວລາໃດກໍໄດ້ ບໍ່ຈຳເປັນຕ້ອງ ເກັບຮັກສາໄວ້ດົນ. ບໍລິສັດ ຫຼື ໂຮງໝໍເອກະຊົນຫຼາຍບ່ອນ ສະເໜີໂປຼແກຼມ ເກັບຮັກສາ ເຊວຕົ້ນກຳເນີດ ຈາກສາຍສະບື ເດັກນ້ອຍ ເກີດໃໝ່ ການສຶກສາ ໃນປັດຈຸບັນ ຍັງບໍ່ສາມາດໃຊ້ ເຊວຈາກສາຍສະບື ປິ່ນປົວພະຍາດ ອັນໄຊເບີ, ເບົາຫວານ, ພະຍາດຫົວໃຈ, ອຳມະພາດ ດັ່ງກ່າວໄດ້ ເພາະພະຍາດ ດັ່ງກ່າວ ມີການສຶກສາ ໃນເຊວຕົ້ນກຳເນີດ ຕົວອ່ອນເທົ່ານັ້ນ ແລະ ຄວາມຮູ້ໃນປັດຈຸບັນ ສາມາດສ້າງ ເຊວຕົວອ່ອນ ສະເພາະບຸກຄົນ ຈາກເຊວຮ່າງກາຍ ຊະນິດໃດ ແລະ ໃນຊ່ວງໄວໃດກໍໄດ້ ໂດຍວິທີດັ່ງກ່າວ ເອີ້ນວ່າ: Cellular Reprogramming ຫຼື ການສ້າງ iPS cells (Induced Pluripotent Stem Cells) ເຊິ່ງມີ ຄຸນສົມບັດ ຄືກັນ ກັບ ເຊວຕົ້ນກຳເນີດ ໄລຍະຕົວອ່ອນ ໂດຍບໍ່ຕ້ອງອາໄສ ເຊວຈາກ ສາຍສະບື ອີກຕໍ່ໄປ. ຂໍ້ມູນ ຈາກສຳນັກງານ ຄະນະກຳມະການ ອາຫານ ແລະ ຢາ ຫ້າມໃຊ້ເຊວ ຫຼື ເນື້ອເຍື້ອ ຫຼື ຜະລິດຕະພັນ ຈາກຮ່າງກາຍ ມະນຸດ ເປັນສ່ວນປະກອບ ໃນເຄື່ອງສຳອາງ ຈາກປະກາດ ສະບັບນີ້ ເຮັດໃຫ້ຜະລິດຕະພັນ ໃນຕະຫຼາດ ຫຼີ້ກລ້ຽງຂໍ້ຄວາມນີ້ ໃນການໂຄສະນາ ເຊັ່ນ: ມີສ່ວນປະສົມ ຈາກສະເຕັມເຊວ ພົກແກະ ຫຼື ມີສ່ວນປະສົມ ຈາກສະເຕັມເຊວ ຈາກພຶດ ການພິຈາລະນາວ່າ ສາມາດເຊື່ອຖືໃນ ສັບພະຄຸນ ທີ່ອ້າງຂຶ້ນໄດ້ຫຼືບໍ່ ໃຫ້ສັງເກດດ້ວຍຫຼັກການ ງ່າຍໆວ່າ ສານທີ່ຜະລິດ ອອກມາຈາກ ເຊວຕົ້ນກຳເນີດ ທີ່ຄາດວ່າ ອາດຈະມີສ່ວນ ຊ່ວຍໃນຄວາມສວຍຄວາມງາມ ຄື: ໂປຼຕິນ ທີ່ໄຫຼອອກມາຈາກ ເຊວຕົ້ນກຳເນີດ ເຊິ່ງສ່ວນຫຼາຍ ເປັນສານຊ່ວຍໃນການ ຂະຫຍາຍຕົວ Growth Factor ຫຼື ສານພວກໄຊໂຕໄດຼ (Cytokine) ສານເຫຼົ່ານີ້ ຈະລະລາຍຕົວ ໃນອຸນຫະພູມ ຫ້ອງໄດ້ໄວຂຶ້ນ ແລະ ຈະສູນເສຍ ສະພາບພຽງ 1-2 ມື້ ເຖິງວ່າ ຈະເກັບຮັກສາ ແຊ່ແຂງ ກໍບໍ່ເໝາະສົມ ໃນການເກັບຮັກສາ ເພາະການລະລາຍອອກມາ ຈະເຮັດໃຫ້ໂປຼຕິນ ເສື່ອມສະພາບໄດ້ ເຊັ່ນກັນ ສ່ວນສານ ທີ່ອ້າງວ່າ ສະກັດຈາກ ສະເຕັມເຊວ ຈາກພຶດ ໃນຄວາມຈິງແລ້ວ ເປັນສານເຄມີ ທີ່ພຶດສ້າງຂຶ້ນ ເຊິ່ງອາດຈະໃຊ້ ໄດ້ຜົນໃນການ ໃຊ້ຕົວຈິງ ເຊັ່ນ: ມີສ່ວນປະກອບ ຂອງວິຕາມິນຊີ ຫຼື ກົດຂອງ ໝາກໄມ້ ບາງຊະນິດ ແຕ່ນັ້ນບໍ່ແມ່ນສານຈາກ ສະເຕັມເຊວ ແທ້ ຄວນເອີ້ນວ່າ ຜະລິດຕະພັນຈາກພືດ ສະໝຸນໄພ ຈຶ່ງເໝາະສົມຫຼາຍກວ່າ. ເປັນຄວາມເຊື່ອທີ່ຜິດ ວ່າ: ຖ້າເປັນເຊວຕົວເອງ ຈະປອດໄພ ຖ້າສີດບໍ່ໄດ້ ເຮັດໃຫ້ເກີດ ເສັ້ນເລືອດອຸດຕັນໄດ້ ຖ້າເປັນເສັ້ນເລືອດສຳຄັນ ກໍເກີດຫຼອດເລືອດ ສະໝອງຕີບ, ອຳມະພາດ ຫຼື ເສຍຊີວິດໄດ້ ນອກຈາກນີ້ ລະບົບພູມຄຸ້ມກັນ ເບິ່ງບໍ່ເຫັນ ເປັນອັນຕະລາຍ ໃນທາງກົງກັນຂ້າມ ຖ້າບໍ່ແມ່ນ ເຊວຂອງຮ່າງກາຍເຮົາ ເປັນເຊວຂອງຄົນອື່ນ ຕ້ອງທົດລອງວ່າ ເຂົ້າກັບເລືອດເຮົາບໍ່ ຮ່າງກາຍບໍ່ຕໍ່ຕ້ານ ເຊັ່ນດຽວກັບ ການປູກຖ່າຍ ອະໄວຍະວະ ເຂົ້າໄປໃນຮ່າງກາຍ ກໍຕ້ອງໃຊ້ເຊວ ທີ່ເຂົ້າກັນໄດ້ ກັບຮ່າງກາຍເຮົາ ຢ່າງໃດກໍຕາມ ເມື່ອເຮົາສີດ ເຊວຄົນອື່ນເຂົ້າໄປ ຮ່າງກາຍກໍຈະພະຍາຍາມ ຂ້າເຊວຂອງຄົນອື່ນ ຮ່າງກາຍເຮົາກໍຈະ ຂັບສານຫຼາຍ ເພື່ອໄປຂ້າ ເຊວນັ້ນ ບາງຄັ້ງ ກໍຮ້າຍແຮງຈົນເກີດ ອັນຕະລາຍໄດ້. ຜົນປະໂຫຍດ ອັນຫຼວງຫຼາຍ ທີ່ມາພ້ອມກັບ ງານວິໄຈເຫຼົ່ານີ້ ເຮັດໃຫ້ຕ້ອງ ລະມັດລະວັງ ໃນການຮັບຟັງຂໍ້ມູນວ່າ ຈະເຊື່ອຖື ຫຼາຍເທົ່າໃດ ກ່ອນຕັດສິນໃຈ ເລືອກປິ່ນປົວ ດ້ວຍສະເຕັມເຊວ. ໂດຍ ແອລາຍ ຄວາມງາມສຸຂະພາບ 0 FacebookTwitterWhatsappLINEEmail ຂ່າວສານທີ່ກ່ຽວຂ້ອງ ພະຍາດ Aphasia 24/05/2023 ວິທີຮັກສາໃຫ້ຕັບແຂງແຮງ 11/01/2023 ໄຂມັນຫຸ້ມຕັບ ພະຍາດອັນຕະລາຍທີ່ທ່ານອາດບໍ່ຮູ້ຕົວ 15/07/2022 ກັ້ນຖ່າຍໜັກເປັນອັນຕະລາຍຕໍ່ສຸຂະພາບ 20/04/2022 ອັນຕະລາຍຈາກຫີນປູນ 09/02/2022 ສິ່ງທີ່ຄວນປະຕິບັດ ເມື່ອຫາຍດີຈາກພະຍາດໂຄວິດ-19 28/12/2021 ນິ້ວໝາກໄຂ່ຫຼັງ ໄພງຽບທີ່ນໍາພະຍາດມາສູ່ທ່ານ 23/10/2021 ໄຂ້ຍຸງລາຍໄພງຽບທີ່ເຮັດໃຫ້ເສຍຊີວິດໄດ້ 01/10/2021 ພະຍາດມະເຮັງເຕົ້ານົມ ຮູ້ໄວແກ້ໄຂໄດ້ທັນ 22/09/2021 ອະນຸມູນອິດສະຫຼະ ( Free Radicle ) 07/09/2021