679
ມົນລະພິດທາງອາກາດ ແມ່ນພາວະອາກາດທີ່ມີຝຸ່ນ, ລະອອງຝຸ່ນ ຫຼື ວັດຖຸອັນຕະລາຍຊະນິດອື່ນໆ ເຈືອປົນຢູ່ໃນຊັ້ນບັນຍາກາດ ຂອງໂລກ ຍ້ອນວ່າ ຊັ້ນບັນຍາກາດ ເປັນລະບົບແກ໊ສທໍາມະຊາດ ທີ່ຈໍາເປັນຕໍ່ສິ່ງທີ່ມີຊີວິດ ທັງຫຼາຍ ຖ້າຊັ້ນບັນຍາກາດ ຖືກທໍາລາຍ ດ້ວຍມົນລະພິດ ກໍເປັນສາເຫດເຮັດໃຫ້ ສິ່ງທີ່ມີຊີວິດ ເກີດເປັນພະຍາດ ແລະ ອັນຕະລາຍ ຈົນເຖິງຂັ້ນເສຍຊີວິດ.
ມົນລະພິດທາງອາກາດແບ່ງອອກເປັນ 2 ຊະນິດຄື:
-
ມົນລະພິດທີ່ເກີດຈາກທໍາມະຊາດ ເຊັ່ນ: ພູເຂົາໄຟລະເບີດ ເຮັດໃຫ້ເກີດຄວັນ, ແກ໊ສຕ່າງໆເຊັ່ນ: SO2, H2S, CH4 ແລະ ຂີ້ເຖົ່າຂຶ້ນສູ່ອາກາດ ເປັນຈໍານວນຫຼາຍ, ໄຟໄໝ້ປ່າ ເຮັດໃຫ້ເກີດຄວັນ, ຝຸ່ນລະອອງ ຂະໜາດນ້ອຍໃນຮູບແບບ 5, PM10 ແລະ ແກ໊ສພິດຕ່າງໆ ເຊັ່ນ:CO,HC.
-
ການເໜົ່າເປື່ອຍ ແລະ ການໝັກໝົມ ຈະເຮັດໃຫ້ເກີດລົມພິດຂຶ້ນສູ່ບັນຍາກາດ
-
ຝຸ່ນລະອອງ ທີ່ມາຕາມລົມພັດ ເຊັ່ນ: ເມັດພືດ, ເກສອນດອກໄມ້
-
ມົນລະພິດທີ່ເກີດຈາກມະນຸດ ເຊັ່ນ: ໂຮງງານຜະລິດກະແສໄຟຟ້າ, ການໃຊ້ໄຟພາຍໃນເຮືອນ, ການຈູດຂີ້ເຫຍື້ອ ແລະ ໂຮງງານອຸດສາຫະກໍາ ໂດຍການແປຮູບອາຫານ, ການກັ່ນນໍ້າມັນ, ການຫຼອມໂລຫະ, ຄວັນລົດ ແລະ ອື່ນໆ.