ເວັບໄຊຄໍາສັບລາວ ແມ່ນເວັບໄຊໃຫ້ຂໍ້ມູນກ່ຽວກັບ ວັດຈະນານຸກົມພາສາລາວ, ຂ່າວສານທົ່ວໄປ, ບົດຄວາມຕ່າງໆ, ຊວນຫົວ ແລະ ຂໍ້ມູນອື່ນໆ. ທ່ານສາມາດນໍາໃຊ້ຢູ່ເທິງ ຄອມພິວເຕີ ແລະ ມືຖືໄດ້ອີກດ້ວຍ.
ປັດຈຸບັນ ໂລກຂອງພວກເຮົາ ໄດ້ກ້າວເຂົ້າສູ່ ລະບົບເສດຖະກິດ-ສັງຄົມດິຈິຕ໋ອນ, ເຕັກໂນໂລຊີດິຈິຕ໋ອນ ບໍ່ໄດ້ເປັນເຄື່ອງມື ສະໜັບ ສະໜູນ ໃນການເຮັດວຽກ ຄືໄລຍະຜ່ານມາອີກຕໍ່ໄປ ເພາະມັນໄດ້ລວມເຂົ້າກັບການດໍາລົງຊີວິດຂອງຄົນເຮົາ ແລະ ໄດ້ປ່ຽນແປງໂຄງ ສ້າງຮູບແບບກິດຈະກໍາທາງດ້ານເສດຖະກິດ, ຂະບວນການຜະລິດ, ການຄ້າ, ການບໍລິການ ລວມທັງການຕິດຕໍ່ສື່ສານພົວພັນກັນ ລະຫວ່າງຄົນກັບຄົນໃນສັງຄົມ. ສະນັ້ນ, ບັນຫາທີ່ພົບໃນປັດຈຸບັນແມ່ນ ການຊອກຫາແຫຼ່ງຂໍ້ມູນທີ່ເປັນພາສາລາວ ກໍ່ຄື ຄໍາສັບ ພາສາລາວ ແມ່ນຍາກຫຼາຍ ໃນໂລກອອນໄລ, ບາງຄັ້ງອາດຈະໄດ້ຊອກຂໍ້ມູນ ໃນຮູບແບບດັ້ງເດີມ ກໍຄື ຊອກຫາຕາມປື້ມຕ່າງໆ ເຮັດໃຫ້ມີຄວາມຫຍຸ້ງຍາກ ແລະ ຊັກຊ້າ ໃນການຊອກຫາຂໍ້ມູນດັ່ງກ່າວ. ດັ່ງນັ້ນ, ຈື່ງໄດ້ສ້າງລະບົບເວັບໄຊນີ້ຂື້ນມາ ຊື່ງເປັນທາງ ເລືອກໜຶ່ງເພື່ອອຳນວຍຄວາມສະດວກໃນການຄົ້ນຫາ ຫຼື ນໍາໃຊ້ຄຳສັບພາສາລາວ ໃຫ້ມີຄວາມວ່ອງໄວ. ພ້ອມດຽວກັນນັ້ນຍັງ ເປັນການສົ່ງເສີມ ແລະ ໃຫ້ຄວາມສໍາຄັນໃນການນໍາໃຊ້ພາສາລາວໃຫ້ຖືກຕ້ອງອີກດ້ວຍ.
ຂໍ້ມູນຕ່າງໆ ໃນລະບົບເວັບໄຊນີ້ ແມ່ນໄດ້ ພິມ ລົງໃສ່ໃນເວັບໄຊ ອາດຈະມີ ບາງຄຳສັບພິມຜິດ ຍ້ອນ ລາຍຕາ ຫຼື ອື່ນໆ, ຈຶ່ງຂໍອະໄພໄວ້ນະທີ່ນີ້ດ້ວຍ. ຂໍຂອບໃຈ
ຂໍ້ມູນຕິດຕໍ່: khamsablao@gmail.com
Facebook Page: https://www.facebook.com/Laoswords/
ອ້າງອີງແຫຼ່ງຂໍ້ມູນຈາກ: ປື້ມ “ວັດຈະນານຸກົມ ພາສາລາວ” ທີ່ ຄົ້ນຄວ້າ ແລະ ຮຽບຮຽງໂດຍ: ດຣ. ທອງຄຳ ອ່ອນມະນີສອນ ຕີພິມຄັ້ງທີ 2 ໃນປີ 2008 ແລະ ຄໍາຖືກຄໍາຜິດ ຈາກ ປຶ້ມ “ໄວຍາກອນ” ແລະ https://www.facebook.com/sengfa.hola
ເນື່ອງຈາກພວກເຮົາ ມີຄ່າໃຊ້ຈ່າຍໃນການ ດູແລບໍລິຫານລະບົບເຄື່ອງແມ່ຂ່າຍ, ຄ່າເຊົ່າ Hosting, ຄ່າເຊົ່າ ໂດເມນ. ດັ່ງນັ້ນ, ທ່ານສາມາດບໍລິຈາກ ເພື່ອສະໜັບສະໜູນພວກເຮົາໄດ້ ເພື່ອພວກເຮົາຈະໄດ້ ດູແລລະບົບ, ປັບປຸງລະບົບ, ຊອກຂໍ້ມູນຕ່າງໆ ເພື່ອໃຫ້ຜູ້ອ່ານໄດ້ຮັບຂໍ້ມູນ ແລະ ເປັນຄັງຂໍ້ມູນ. ນອກຈາກນັ້ນ, ພວກເຮົາຈະໄດ້ມີກຳລັງໃຈ ໃນການພັດທະນາລະບົບຕ່າງໆ ເພື່ອໃຫ້ຜູ້ອ່ານ ໄດ້ໃຊ້ຟຣີໄປຕະຫຼອດ. ຂໍຂອບໃຈຫຼາຍໆ.
